Toshkent viloyati. 2019 yil 13 dekabr kuni Аngren shahar IIB JQB tezkor vakillari tomonidan uy-joy daxlsizligini cheklovchi tadbir oʼtkazish va turar joyni koʼzdan kechirish toʼgʼrisidagi qarorga asosan, 22 yoshli S.N.ning yashash uyi koʼzdan kechirilgan vaqtda, xonadon yotoqxonasidagi yotoqning tagida 18 dona polietilen paketlarga oʼralgan oʼtkir hidli, qovurilgan holdagi modda hamda xonadonning daxlizida turgan yogʼoch quti ichida oq rangli xoʼjalik qopi ichida quritilgan, oʼtkir hidli modda saqlanayotganligi aniqlanib, xolislar ishtirokida ashyoviy dalil tariqasida rasmiylashtirib olingan.

Sudga oid kimyoviy ekspertizasining xulosasiga koʼra, 18 (oʼn sakkiz) dona polimer paket ichidagi modda “marixuana” giyohvandlik molddasi ekanligi, uning qovurilgan holdagi umumiy sof ogʼirligi 533,8 gr.ni, xonadondan olingan qop ichidagi quritilgan holdagi modda “marixuana” giyohvandlik moddasi ekanligi, uning ogʼirligi 2934 gr.ni tashkil etishi koʼrsatilgan.

Mazkur holat yuzasidan Аngren shahar IIB huzuridagi Tergov boʼlimi tomonidan fuqaro S.N.ga nisbatan Oʼzbekiston Respublikasi Jinoyat kodeksining 276-moddasi 2-qismi “a” bandi (giyohvandlik vositalari yoki psixotrop moddalarni oʼtkazish maqsadini koʼzlamay, qonunga xilof ravishda koʼp miqdorda saqlash) bilan jinoyat ishi qoʼzgʼatilgan. Hozirda jinoyat ishi boʼyicha dastlabki tergov harakatlari olib borilmoqda.

Oʼzbekiston Respublikasi IIV huzuridagi Tergov departamenti

----------

Қонунга хилоф равишда сақланган гиёҳвандлик воситаси аниқланди.

 Тошкент вилояти. 2019 йил 13 декабрь куни Ангрен шаҳар ИИБ ЖҚБ тезкор вакиллари томонидан уй-жой дахлсизлигини чекловчи тадбир ўтказиш ва турар жойни кўздан кечириш тўғрисидаги қарорга асосан, 22 ёшли С.Н.нинг яшаш уйи кўздан кечирилган вақтда, хонадон ётоқхонасидаги ётоқнинг тагида 18 дона полиэтилен пакетларга ўралган ўткир ҳидли, қовурилган ҳолдаги модда ҳамда хонадоннинг дахлизида турган ёғоч қути ичида оқ рангли хўжалик қопи ичида қуритилган, ўткир ҳидли модда сақланаётганлиги аниқланиб, холислар иштирокида ашёвий далил тариқасида расмийлаштириб олинган.

Судга оид кимёвий экспертизасининг хулосасига кўра, 18 (ўн саккиз) дона полимер пакет ичидаги модда “марихуана” гиёҳвандлик молддаси эканлиги, унинг қовурилган ҳолдаги умумий соф оғирлиги 533,8 гр.ни, хонадондан олинган қоп ичидаги қуритилган ҳолдаги модда “марихуана” гиёҳвандлик моддаси эканлиги, унинг оғирлиги 2934 гр.ни ташкил этиши кўрсатилган.

Мазкур ҳолат юзасидан Ангрен шаҳар ИИБ ҳузуридаги Тергов бўлими томонидан фуқаро С.Н.га нисбатан Ўзбекистон Республикаси Жиноят кодексининг 276-моддаси 2-қисми “а” банди (гиёҳвандлик воситалари ёки психотроп моддаларни ўтказиш мақсадини кўзламай, қонунга хилоф равишда кўп миқдорда сақлаш) билан жиноят иши қўзғатилган. Ҳозирда жиноят иши бўйича дастлабки тергов ҳаракатлари олиб борилмоқда.

 Ўзбекистон Республикаси ИИВ ҳузуридаги Тергов департаменти

Тайёрлади: капитан Ж.Қодиров