Toshkent viloyati. 2020 yilning 09 may kuni Piskent tumani IIB xodimlari tomonidan oʼtkazilgan “Qoradori-2020” tadbiri davomida Saidobod mahallasi hududida ketayotgan Olmaliq shahrida yashovchi fuqaro 51 yoshli S.X., gumonlanib tekshirilganida, u shu mahalla hududidagi dala maydonida oʼsib turgan “marixuana” giyohvandlik oʼsimligini terib, kelgusida sotish maqsadida ularni oʼzining xaltasiga joylab, olib ketayotganligi va yonidagi xalta tekshirilganda uning ichida 5 kg. 615 gr. “marixuana” giyohvandlik vositasi borligi aniqlangan va tegishli tartibda rasmiylashtirib olingan.

Holat yuzasidan Piskent tumani IIB huzuridagi Tergov boʼlimi tomonidan Oʼzbekiston Respublikasi Jinoyat kodeksining 25,273-moddasi 5-qismi bilan jinoyat ishi qoʼzgʼatilgan. S.X., gumon qilinuvchi tariqasida jalb qilinib protsessual tartibda ushlangan.

Oʼzbekiston Respublikasi IIV huzuridagi Tergov departamenti