2018 yil 17 noyabrdan 18 noyabrga o’tar kechasi, noma'lum shaxslar Farg’ona viloyati Farg’ona shahrida hududida qarovsiz qoldirilgan, fuqaro J.A.ga tegishli “Neksiya” rusumli avtomashinaning to’rt dona g’ildiraklarini yashirin ravishda talon-toroj qilib, hodisa sodir bo’lgan joydan yashirinishgan.

Ichki ishlar organlari xodimlari tomonidan o‘tkazilgan tergov-tezkor tadbirlari natijasida ushbu jinoyatni fuqaro T.M., M.T. va Y.S.lar sodir etganliklari aniqlanib, ular ashyoviy dalillar bilan ushlangan.

Mazkur holat yuzasidan O‘zbekiston Respublikasi Jinoyat kodeksining 169-moddasi 2-qismi «v» bandi bilan (o’g’rilik, o’zganing mol-mulkini bir guruh shaxslar tomonidan oldindan til biriktirib, yashirin ravishda talon-toroj qilish) bilan jinoyat ishi qo‘zg‘atilib, hozirda dastlabki tergov harakatlari olib borilmoqda.

O‘zbekiston Respublikasi IIV huzuridagi Tergov departamenti