2019 yil 3 yanvar kuni soat taxminan 12:00 da, fuqaro N.N. o’z boshqaruvidagi “Neksiya” rusumli avtoulovni Toshkent viloyat Bo’stonliq tuman hududidan o’tuvchi “Bektemir-Chorbog’” avtomobil yo’lining 42-kilometrida boshqarib ketayotib, boshqaruvni yo’qotgan va yo’lning o’ng chetidagi jarlikka tushib ketib, yo’l-transport hodisasini sodir etgan. Natijada, mazkur avtoulov yo’lovchisi M.Sh. jarohat olib, hodisa joyida vafot etgan.

Mazkur holat yuzasidan O‘zbekiston Respublikasi Jinoyat kodeksining 266-moddasi 2-qismi (transport vositalari harakati yoki ulardan foydalanish xavfsizligi qoidalarini buzish, odam o’lishiga sabab bo’lsa) bilan jinoyat ishi qo‘zg‘atilib, hozirda dastlabki tergov harakatlari olib borilmoqda.

O‘zbekiston Respublikasi IIV huzuridagi Tergov departamenti